الخميس، 28 مارس 2013

كيف تستثمر الفترة الجامعيه للتخطيط لحياتك الوظيفيه والمالية ؟؟



دى سلسلة موضوعات للطلبة "مخصصه لطلاب الجامعات " ازاى يستفيدوا من وقتهم ويخططوا للمستقبل ويفكروا فى احلامهم لو كان عندهم احلام وحتى لا يتفاجئوا بالواقع "......." تركت لك مابين القوسين فارغا لتكتب ما تراه مناسب .

بدون مقدمات طويلة هدخل فى الموضوع مباشرة

عاوز اقول مينفعش نقضى سنوات الكلية "مش عاوز احدد عدد عشان تختلف من شخص للتانى :D " (وانا شخصيا لى تجربة تكاد تكون فريده من نوعها مع الكليات اللى انا دخلتها ) فى دوامة الامتحانات والمذاكرة وبس وتيجى الاجازة نفكر هنقضيها فين وهكذا .

المفترض اننا نستغل الفترة بكل مميزاتها واهم ميزة انك خالى المسئولية تماما ومتفرغ للدراسة فقط يعنى نفسيا مستريح بتروح وتيجى و.......ألخ ـ أكيد سمعت "البؤ" ده من ناس كتير خصوصا الخريجين وياخسارة انا مسمعتش الكلام اوى وندمان على كده لكن الحمد لله على كل حال .

طيب كفاية كلام ندخل فى الموضوع 

كيف تستثمر الفترة الجامعيه للتخطيط لحياتك الوظيفيه والمالية ؟؟


عن طريق حاجات كتير تستطيع فعلها وبسهولة وعندى قصص واقعيه لزملاء حققوا ارباح ماليه جيدة جدا خلال دراستهم الجامعيه وأكثر هؤلاء هم الطلبة المغتربون عن بلادهم سواء داخل الوطن او خارجه عكس ما يتصور البعض بأن الغربه مرًه وصعبه "مش قصدى اهون من الغربه بس لها مميزات تستطيع بالتفكير الايجابى ان تستثمر هذه الفترة ".
الوظيفه اونلاين

طيب من النماذج دى طالب تعاقد مع احد مراكز الخدمات " تصوير المستندات والطباعه والدعايه والاعلان " بحيث يكون هو مرجع للطلبة فى كل الدروس والمحاضرات اللى بينزلها الدكاترة فى الكلية وبيوفر على زملائه الوقوف وتضييع الوقت اللى هو اصلا متعرفش بيضيع ازاى ؟!
مجرد انه يجمع عدد النسخ المطلوبة والمبالغ من الطلبة ويوزع النسخ عليهم طبعا وله نسبه من المركز وهى نسبة يكفى ان تعرف انه لم يكن يكلف اسرته اى مليم طوال فترة دراسته ان لم يكن اكثر من ذلك .

طالب أخر كان يعمل فى احدى هذه المراكز حسب الوقت المتاح لديه يقوم باعمال شبيهه كطباعة الاوراق وكتابة ابحاث او مستندات .وأحدهم كان متخصص بيع مراجع فقط ..الخ.

ناهيك عن الافكار الاخرى التى سنتعرض لها لاحقا ان شاء الله لاسيما مع دخول الانترنت كلاعب رئيسى مهم لمن يبحث عن عمل من المنزل او الربح من الانترنت وده مجال من كثرة مجالاته قد يجعلك لا تصدق او ترمى من ييتكلم عن هذا بالجنون ولكن سنتطرق لهذا الامر  لعلك تجد معنا ما ينير لك الطريق .

صدقنى هذه الفترة هى اخطر فترات العمر وان لم تصدقنى ستتذكر هذه الكلمات حين تتخرج وتظل تبحث عن وظيفه "طبعا اتمنى لك كل الخير وان تعمل فورا لكن الحياة ليست وردية بهذه الصورة " لا داعى للتشاؤم ابدا فشخصيتى متفائله جدا ولكن " مبحبش اعمل البحر طحينه لحد" ده مثل شعبى مصرى دلالة على من يبالغ جدا فى مزايا او ارباح شئ معين .

للحديث بقية 


ليست هناك تعليقات:

إرسال تعليق